У панядзелак 8 лютага адбылася літаратурная вечарына “Геній свайго часу” (па творчасці Івана Мележа). Вядучыя расказалі прысутным пра некаторыя старонкі жыццевага і творчага лёсу Івана Мележа. Увазе ўдзельнікаў была прадстаўлена электронная прэзентацыя пра славутага земляка. Былі прадэманстраваны фотаздымкі яго сям’і, працы, дома, што дало магчымасць умоўна вандраваць па тых мясцінах, дзе жыў і тварыў пісьменнік.
У чацвер у актавай зале вучні X класаў прагледзелі фільм Віктара Турава “Людзі на балоце” па творы Івана Мележа, пазнаёміліся з героямі твора, акунуліся ў жыцце беларускай вёскі.
У бібліятэцы школы была наладжана выстава, прысвечаная Івану Мележу.