Мэта: знаёмства з тыпамі спражэння дзеясловаў, з высновамі, па якіх адбываецца падзел дзеясловаў па гэтых тыпах, уменне ўтвараць форму 1-й асобы адзіночнага ліку дзеясловаў I і ІІ спражэння.
Ход вучэбнай працы дома
- Дзень добры.
Залатое цуда-сонца!
Загляні да нас у ваконца!
Нам здароўе зберажы
І вучыцца памажы!
-Пра якую часціну мовы ідзе гутарка?
– …часціна мовы.
Я - …абазначаю дзеянне прадмета.
- … адказваю на пытанні: што робіць? што робяць?
- … змяняюся па ліках і часах.
- … маю пачатковую (неазначальную) форму.
- … у сказе часцей за ўсё бываю выказнікам.
Заданне.Да кожнага з прыведзеных дзеясловаў напішы дзеяслоў з супрацьлеглым значэннем. Вызначце і запішыце ў дужках час, асобу і лік.
Гаворыць (____________) – _____________(____________), сумавалі (__________) – ___________(__________), забудзеце (__________ ) –___________ (__________).
Здагадайся, аб якой часціне мовы мы павінны ўспомніць?
– … часціна мовы.
Я - … маю тры асобы і два лікі.
- … змяняюся па склонах.
- … у мове замяняю назоўнік, прыметнік.
- … я магу ўжывацца з прыназоўнікамі.
Паведамленне новай тэмы. Дзеяслоў разам з займеннікам прынеслі новую тэму “І і ІІ спражэнне”
-Сёння мы даведаемся пра два тыпы спражэння дзеясловаў, будзем вучыцца спрагаць дзеясловы, даведаемся, як яны змяняюцца, як утвараецца форма 1-й асобы адзіночнага ліку, а таксама вучыцца распазнаваць іх у мове.
Успомні з урокаў рускай мовы, што называецца спражэннем дзеяслова?
- Разгледзь табліцу ў практыкаванні 138, с. 83 падручніка. Назаві канчаткі дзеясловаў I, II спражэння, прачытай правіла.
- Звярні ўвагу на канчаткі дзеясловаў.
- Для чаго нам трэба ведаць спражэнне дзеяслова?
- Яшчэ раз разгледзь табліцу канчаткаў дзеясловаў I і II спражэння на старонцы 83 падручніка.
Будзем карыстацца гэтымі табліцамі на працягу сённяшняга і наступных заняткаў, каб правільна вызначыць спражэнні дзеясловаў і правільна пісаць іх канчаткі.
Пазнаёмся з выпадкам супадзення канчаткаў дзеясловаў I і ІІ спражэння. Рубрыка «Завяжы вузялок!» (с. 84).
- Прачытай верш. Устаў прапушчаныя літары. Растлумач, чаму ты іх уставіў. Знайдзі ў вершы дзеясловы, вызнач ў іх канчаткі. Вызнач асобу і лік дзеясловаў. Знайдзі ў вершы асабовыя займеннікі, вызнач іх асобу, лік і склон. Практ. 139, с. 84
-Дапоўні сказы дзеясловамі ў форме цяперашняга часу 1-й асобы адзіночнага ліку (практ. 140, с. 85).
-Прачытай загадку. Дапоўні яе дзеясловамі ў форме будучага часу 1-й асобы адзіночнага ліку. Разгадай загадку. Спішы на выбар. Вызнач канчаткі дзеясловаў. Дапаўні сказы патрэбнымі формамі назоўніка маліна (практ. 141, с. 85—86)
Дамашняе заданне. Практыкаванне 142, табліца на с. 83, рубрыка “ Завяжы вузялок” на с.84.
Выкажы сваю думку..
- Што новага даведаўся?
- Што было самым цяжкім ? Якія заданні выклікалі цяжкасці?
- Якая работа спадабалася больш? Чаму?
раскрыть » / « свернуть