Белорусская литература

-- Вось i скончыўся апошнi раздзел падручнiка! Каб падвесьцi вынiк, я прапаную вам праверыць свае веды iўменнi на час па трох намiнацыях:

Я ведаю… с.108, 109, 110.

Разумею, магу растлумачыць… с.110.

Умею… с.110,111.

-- Наступае лета , канiкулы! Я жадаю вам добра адпачыць, падужэць i не забываць пра родную мову, яе пяшчотнасць, трапнасць выразаў, пыгажосць i мiлагучнасць. З вамi было прыемна працаваць. Дзякуй за працу.

Прапаную вам спiс лiтаратуры для пазакласнага чытання ў 4 класе.

1. А. Пысін: "Кавылёк”, "Аляксей, Дзяніс, Алёнка”.

2. К. Чорны: "Насцечка”.

3. У. Ягоўдзік: "Ці вернецца князь Кук?”, "У царстве Вадзяніка”, "Янка і Ружа”, "Вужовы кароль”, "Грыбок, грыбок, выстаў лабок”.

4. Р. Барадулін: "Азбука не забаўка”.

5. Я. Брыль: "Лазунок”, "Жыў-быў вожык”, "Ліпа і клёнік”, "Чым накармілі Мішутку”.

6. Я. Бяганская: "Як Настачка маме дапамагала”, "Пра казачных чалавечкаў”, "Маленькі капітан”.

7. А. Васілевіч: "Калінавая рукавічка”.

8. В. Вітка: "Вавёрчына гора”, "Памяць зямлі”.

9. У. Караткевіч: "Кацёл з каменьчыкамі”.

10. Я. Колас: "Два маразы”, "Рак-вусач”.

11. П. Місько: "Прыгоды Бульбобаў”, "Навасёлы”, "Прыйдзі, дзень-залацень!”

12. С. Шушкевіч: Вершы, казкі: "Ліса з магнітафонам”, "Колькі кіпцікаў у кошкі”, "Едзе страшная Яга” і інш.

13. Л. Лукша: "Як Ліса вучылася лятаць”.

14. А. Грачанікаў: "Казка пра Івана-ганчара і пачвару цара”.

15. Зм. Бядуля: "Сярэбраная табакерка”.

16. Ул. Дубоўка: "Залатыя зярняты”(казкі), "Пра дзеда і ўнука”(верш), "Жоўтая акацыя”, "Пялёсткі” (аповесці).

17. К. Калінам "Хлопчык-пакідайчык”, "Каляровыя месяцы”, "Крылаты конь”.

18. Ул. Ліпскі: "Клякса-Вакса і Янка з Дзіўнагорска”, "Пра Андрэйку Добрыка і чорціка Дуроніка”.

19. В. Зуёнак: "Каля рэчкі, каля броду…”, "Камендант курынай крэпасці”, "Узмахнуў вушамі слон”.

20. А. Якімовіч: Зборнікі казак: "Каток – залаты лабок”, "Бацькаў дар”, "Людзей слухай, а свой розум май”.

21. Беларускія народныя казкі.

22. Казкі народаў свету (на беларускай мове).

 

Гэты спiс носiць рэкамендацыйны характар!

Чытайце з задавальненнем i радасцю!

 

 

раскрыть » / « свернуть

Паведамленне тэмы ўрока

--Вы чыталi верш аб рэкордах, спартыўных дасягненнях вашых аднагодак. Напэўна многiя з вас наведваюць розныя спартыўныя секцыi. Зараз вам прпануецца прачытаць верш пра спаборнiцтва велагоншчыкаў, якi напiсаў Мiкола Маляўка –

«Велагонка».

Чытанне верша вучнямi самастойна

-- Як называць спартсменаў, якiя займаюцца велагонкамi?

Паўторнае чытанне верша вучнямi

Аналiз зместу верша

-- Што зычыць велагоншчыкам стадыён?

-- Як едуць велагоншчыкi?

-- Якi вянок падрыхтавалi дзяўчынкi для пераможцаў?

-- Як вырашылi насiць вянок пераможцы?

-- Якi вывад можна зрабiць?

Самастойная работа

Скласцi вусна апавяданне па рэпрадукцыiкарцiны А.Сайкiнай «Юныя мушкецёры»

( с.107 )

раскрыть » / « свернуть

Мэты: пазнаёмiць з творамiМiколы Маляўкi«Будзем бiць рэкорды», «Велагонка»;

абагулiць веды вучняў па раздзеле « Хто спортам займаецца, той сiлы набiраецца ».

Паведамленне тэмы ўрока

--Як вы думаеце, чаму паэт Нiл Гiлевiч расказаў гэту смешную гiсторыю ў вершы       “ Сябры ў паходзе”? А для чаго?

Чытанне верша вучнямi самастойна

-- Аб чым гаворыцца ў вершы?

Бюро даведак:

Класцi на лапаткi – пры дужаннi валiць сапернiка на спiну; перамагаць у якой-небудзь справе, спрэчцы;

Брусы – гiмнастычны снарад у выглядзе дзвюх паралельных перакладзiн, замацаваных на стойках.

Паўторнае чытанне верша вучнямi

Чытанне-гудзенне

Аналiз зместу верша

-- Якiмi становяцца дзецiў паходах i на спартыўных зборах?

-- Што яны робяць?

-- Без чаго не здаюцца юныя спартсмены?

-- Як сябе паводзяць, калi прайграюць?

-- Што ў iх ёсць?

-- У чым яны ўпэўнены?

-- Хто расказвае ў творы: паэт цi герой-спартсмен?

-- Якiя вiды спорту ўзгадваюцца ў творы?

-- Як разумееце выраз “ барцы з жалезнай хваткай”?

-- Якiмi рысамi характару надзелены сам герой?

Абагульненне па тэме ўрока

--На вашу думку, у чым заключаецца карысць спорту для фiзiчнагаздароўя людзей?

Дамашняе заданне: выразнае чытанне верша i адказы на пытаннi ( с.104)

раскрыть » / « свернуть

Новая тэма

Я прапаную працягнуць наша падарожжа i прачытаць верш Нiла Гiлевiча «Сябры ў паходзе»

Самастойнае чытанне верша

Бюро даведак:

скатка – коўдра, скручаная ў трубку i завязаная на канцах, для нашэння праз плячо;

муляць – прычыняць боль, нацiраць, цiснуць;

колiкi – рэзкi, востры боль у жываце або баку;

вярста – старая мера даўжынi, роўная 1 км 60 м.

Паўторнае чытанне верша

Чытанне i знаходжанне ўрыўка да малюнка ( с.101 )

Аналiз зместу верша

-- Куды на зары пайшлi хлопцы?

-- Што яны ўзялi з сабой? ( прачытайце )

-- Што здарылася з Цiшкам? А ў Стасiка?

-- Аб чым прасiў Лёўка? А Янка?

-- Цi можна назваць хлопчыкаў сапраўднымi турыстамi?

-- Чаму ў дзяцей, акрамя Грышкi, не хапiла фiзiчных сiл несцi неабходныя рэчы?

Выразнае чытанне верша

Вынiк

-- Якiя рысы характару выпрацоўваюцца ў людзей, якiя займаюцца спортам?

-- Штовам найбольш спадабалася ў вершы? Чаму?

-- Цi сустракалiся вы з падобнымi смешнымiciтуацыямi?

Дамашняе заданне

Выразнае чытанне верша, адказы на пытаннi да верша ( с.102 )

 

 

 

 

раскрыть » / « свернуть

Мэты: пазнаёмiць з творамiВіктара Шымука «Канікулы». Ніла Гілевіча «Сябры ў паходзе».

Новая тэма

--Хутка закончыцца навучальны год, i што ў вас пачнецца?

-- Што марыце рабiць у гэты час?

         Паэт В.Шымук таксама падказвае, што можна рабiць у час летнiх канiкул, у сваiм вершы «Канiкулы».

Самастойнае чытанне верша

-- Аб чым распавядае аўтар у сваiм вершы?

Паўторнае чытанне верша ( чытанне-гудзенне)

Аналiз зместу верша

-- Куды адправiлiся школьныя сябры? Чаму?

-- Хто iх вiтае? Як?

--Што пазнаюць сябры?

-- Дзе мараць пабыць падарожнiкi?

-- Што iх цiкавiць?

-- Як гэта характарызуе юных вандоўнiкаў?

-- Па чым можна здагадацца, што вучнi падарожнiчаюць па ўсёй нашай краiне? Гэта добра цi не?

-- Як вы думаеце, якiм часам для вас з’яўляюцца канiкулы?

-- Цi хацелi б вы так падарожнiчаць?

Вынiк

-- Дык якая пара хутка наступiць?

-- Што вас закранула ў час разважанняў?

раскрыть » / « свернуть

Мэты: праверыць сфармiраванасць навыку чытання       

Барсукова загадка

         Асеннi лес стаяў голы. Толькi на самым верхнiм сучку асiны чарнеў сухi лiст. Пагойдваецца на ветрыку, быццам некiм узняты сцяжок. Загледзеўся я на гэты лiст i не заўважыў, як з нары барсук выкацiўся. Абтросся ад пяску i пакрочыў у лес.

         Ад’еўся за лета. Iдзе цяжка, ледзь ногi перастаўляе. Ля высокага бярозавага пня барсук спынiўся. Павадзiў у паветры носам i стаў нешта абнюхваць.

         Я паглядзеў у бiнокль. I што ён нюхаў? Кветку! Нейкую маленькую жоўтую кветачку. Нюхае, а вочы такiя ўтаропленыя, сур’ёзныя. Быццам ён немаведама якую справу вырашае. Старанна абнюхаўшы кветку, барсук павярнуўся i пайшоў да нары.

         Я падышоў да кветкi. Гэта быў жоўты казялец. Я таксама яго панюхаў. Кветка як кветка.

         А ранiцай выпаў снег. Няўжо тады па казяльцу барсук пачатак зiмы вызначыў? Вось загадаў ён мне загадку! I па сенняшнi дзень не магу яе разгадаць.

        

 

Пытаннiпа тэксту:

1.Хто выкацiўся з нары?

2. Што нюхаў барсук?

3.Якога колеру была кветка?

раскрыть » / « свернуть

Тэст “Я ведаю…”

1. Ад чыйго iмя вядзецца расказ у кожным з наступных твораў:ад iмя аўтара цi яго героя?

А) у апавяданнi М. Данiленкi «Ордэн»:

1) ад iмя суседа;

2) ад iмя дзеда;

3) ад iмя Вiцi;

Б) у апавяданнiА. Махнача «Юныя абаронцы»:

1) ад iмя аўтара;

2) ад iмя дзеда;

3) ад iмя Пецi Васiльева;

В)  у апавяданнiІ. Муравейкi «На вайне і не такое бывае»

         1) ад iмя дзяцей;

         2) ад iмя аўтара;

         3) ад iмя салдата-франтавiка.

    2. У якiм з вывучаных твораў апавядаецца:

         А) пра галоднае пасляваеннае дзяцiнства:

         1) Б. Сачанка «Хлеб»;

         2) А. Махнач «Юныя абаронцы»;

         3) М. Данiленка «Ордэн».

         Б) пра дапамогу дзяцей цяжкапараненым байцам у час абароны Брэсцкай крэпасцi:

         1) Б. Сачанка «Хлеб»;

         2) Міхась Пазнякоў «Помнік герою»;

         3) А. Махнач «Юныя абаронцы».

         В) пра цiкавыя выпадкi дапамогi хатнiх жывёл салдатам фронту:

         1) І. Муравейка «На вайне і не такое бывае»;

         2) Міхась Пазнякоў «Помнік герою»;

         3) М. Данiленка «Ордэн».

         Г) пра ганебны ўчынак пакупкiўзнагарод часоў Вялiкай Айчыннай вайны:

         1) А. Махнач «Юныя абаронцы»;

         2) М. Данiленка «Ордэн»;

         3) Міхась Пазнякоў «Помнік герою».

Дамашняе заданне: выканаць заданнi ( № 5, с. 95; с. 96 )

раскрыть » / « свернуть

Самастойнае чытанне апавядання вучнямi.

--Чаму твору далiтакую назву?

-- Пра што гаворыцца ў iм?

Бюро даведак:

каменаломня – месца распрацоўкi выкапнёвага будаўнiчага каменю iiншых горных парод;

канцлагер – канцэнтрацыйны лагер, месца iзаляцыiзняволеных i ваеннапалонных;

Альпы – горы ў Заходняй Еўропе;

як след прастыў – хто-небудзь бясследна знiк, схаваўся;

сквапны – скупы, прагны да багацця.

Паўторнае чытанне твора

Аналіз зместу твора

--Дзе iшлi дзед з унукам?

-- На што звярнуў увагу дзеда ўнук?

-- Што яго вельмiўразiла?

-- Як аднёсся патлаты да слоў дзеда? Цi добра гэта?

-- Што вы адчулi, пачуўшы гэтыя словы?

-- Пра што дзед расказаў унуку?

-- Чым быў ордэн для дзеда? А для ўнука? Чаму?

-- Якi запавет даў дзед Максiмку?

-- Чаму ў старога чалавека ўзняўся настрой, калi ён не ўбачыў на ранейшым месцы патлатага хлопца са стэлажом?

Дамашняе заданне: выразнае чытанне твора с.90 - 92

раскрыть » / « свернуть

Мэты: пазнаёмiць з творамi Барыса Сачанкi «Хлеб», Міхася Даніленкi «Ордэн»; абагулiць веды вучняў па раздзеле «Мірна жыць — шчаслівым быць»

Новая тэма

--Як вы думаеце, у часы вайны чым быў хлеб для акупiраванага ворагам насельнiцтва?

   Вам, мабыць, цяжка адказаць на гэта пытанне, еле разруха, якую прынесла вайна, прымусiла людзей галадаць. Аб гэтым вы даведаецеся з апавядання Барыса Сачанкi «Хлеб»

Чытанне апавядання Б. Сачанкі «Хлеб» самастойна

—Што закранула вас пры праслухоўванні апавядання?

Бюро даведак:

борзда — хутка;

неахайна — неакуратна;

капан'ща — прылада для працы на агародзе;

пракаўтнуў — праглынуў;

абрус — кавалак тканіны, якой засцілаюць стол;

спакуса — тое, што выклікае неадольнае жаданне;

мроіўся — бачыўся, уяўляўся ў думках, сніўся;

схамянуцца — раптам успомніць аб чым-небудзь.

 

Паўторнае чытанне апавядання вучнямі

1. Чытанне моўчкі.
2. Чытанне «Вочкі-столь».

Аналіз зместу твора

—Калі адбываліся падзеі, апісаныя ў апавяданні?

—Што прынесла маці?

—Чаму так разглядалі акрайчык хлеба?

—  Чаму маці так прыйшлося падзяліць маленькі кавалачак хлеба?

—Чаму яна не адламала сабе хлеба?

—Як вы думаеце, што адчувала маці?

—Чаму хлопчык з'еў хлеб?

—Ці можна яго асудзіць?

—Як аднесліся да гэтага ўчынку брат, маці?

—Чаму дарослыя не дакаралі малога?

—  Чаму хлопчык вырас, але тое, што ён з'еў хлеб брата хвалюе яго ўсё жыццё?

 Падвядзенне вынiкаў

--Чым з’яўляўся хлеб для людзей у пасляваенныя гады?

-- Як наогул трэба адносiцца да хлеба?

Дамашняе заданне

Адказаць на пытаннic.89

раскрыть » / « свернуть

Мэта: пазнаёмiць з творам Івана Муравейкi «На вайне і не такое бывае» («Подзвіг ката Марціна»)

Паведамленне тэмы

На папярэднiм уроку мы з вамi разшыфроўвалi запiс, каб даведацца пра назву твора. Сёння я вам таксама прапаную гэта зрабiць.

Ненаневайненеiненетанеконеенебыневанеене

( На вайне i не такое бывае)

Зараз вы будзеце чытаць гэты твор. – Як вы думаеце пра што ён?

Самастойнае чытанне апавядання вучнямi

-- Пра што расказвае аўтар у апавяданнi?

Слоўнiкавая работа

С.81 падручнiка

Паўторнае чытанне твора

Аналiз зместу тэксту

-- Пра якога франтавiка распавядаў аўтар?

-- Што рабiў аўтар у час абеду?

-- Хто да яго прыйшоў?

-- Якi быў кот?

-- Што зрабiў кот, як пачалася стралянiна?

-- Калiзноў з’явiўся кот?

-- Што вырашыў сяржант Перапечка?

-- Аб чым ён папрасiў жыхароў вёскi?

-- Як Марцiн прынёс запicку?

-- Хто яе напiсаў?

-- Дзякуючы каму нашы салдаты адбiлi вёску ў ворага?

-- Як адбылася сустрэча салдат з Вiцем?

-- Як камандзiр аддзячыў храбрым памочнiкам?

-- Якая на ваш погляд галоўная думка тэксту?

Вынiк урока

-- Паразважайце, калi ласка, цi будуць жывёлы дапамагаць людзям у мiрны час?

-- Як трэба ставiцца да жывёл?

Дамашняе заданне

Перакажыце твор па складзеным плане.

 

раскрыть » / « свернуть

Мэта: азнаямленне з творамi Міхася Пазнякова «Помнік герою».   Алеся Махнача «Юныя абаронцы»

Гукавая размiнка

-- Прачытайце верш. Правiльна вымаўляйце гукi [ ц’], [ ч], [ р]

Тры чарадзеi.

Тры чарадзеi на свеце жывуць.

Утрох яны сеюць,

Утрох яны жнуць.

Тры чарадзеi на свеце жывуць,

Iх Працаю, Дружбаю, Мiрам завуць.

-- Каб сеяць, жаць i добра жыць, што чалавеку трэба?

-- А цi заўсёды людзi жылi шчаслiва i мiрна?

Чытанне верша Міхася Пазнякова «Помнік герою» самастойна

-- Пра што гаворыцца ў вершы?

Паўторнае чытанне верша ўслых

Аналiз зместу верша

-- У гонар каго ўзведзены абелicк ля дарогi?

-- Як пахавалi героя ў час вайны? Чаму так?

-- Як ушаноўваюць памяць загiнуўшага салдата?

-- Што зрабiлi жанчыны-удовы?

-- Аб чым спявае малады клён салдату?

-- Чаму на абелiску не напiсана iмя салдата?

-- Чаму вы так лiчыце?

Прачытайце калi ласка яшчэ раз верш.

Абагульненне па тэме ўрока

--Што вас кранула ў гэтым вершы?

--Да якой высновы вы прыйшлi?

Дамашняе заданне: выразнае чытанне верша Міхася Пазнякова «Помнік герою».  

        

Алесь Махнач «Юныя абаронцы»

--Цi толькi салдаты змагалiся ў гады Вялiкай Айчыннай вайны?

Зараз вы прачытаеце тэкст пра дзяцей, якiя таксама былi абаронцамi нашай Радзiмы.Але спачатку пазнаёмцеся з невялiчкiм паведамленнем.

         Нядзельным ранкам 22 чэрвеня 1941 года фашысцкая Германiя напала на заходнiя рубяжы нашай краiны.

Страшэннае слова «ВАЙНА!» выклiкала жах, разгубленнасць, збянтэжанасць. Людзi зразумелiўсю небяспеку навiслай пагрозы. I першымi на сябе прынялiўдар салдаты Брэсцкай крэпасцi.

Брэсцкая крэпасць – умацаванне для аховы заходнiх межаў Расii – пабудавана ў 30—40-я гады XXI стагоддзя на месцы старога Брэста. Агульная плошча 4кв.км, даўжыня крэпасной лiнii – 6,4 км. Цытадэль складае двух’ярусная казарма з 500 казематамi, даўжынёй 1,8км i 4 варотамi.

На пачатак Вялiкай Айчыннай вайны ў Брэсцкай крэпасцi былi размешчаны войскi Чырвонай Армii.

22 чэрвеня 1965 года да 20-годдзя Перамогi над фашыстамi прысвоена ганаровае званне крэпасць-герой, уручаны ордэн Ленiна i медаль «Залатая зорка». На тэрыторыi Брэсцкай крэпасцi створаны музей.

Самастойнае чытанне тэксту

--Што рабiлi дзецiў крэпасцi?

Слоўнiкавая работа на с.75 падручнiка

Паўторнае чытанне тэксту

Аналiз твора

-- Што адбывалася ў Брэсцкай крэпасцi?

-- Якiм быў падвальны лазарэт?

-- Што рабiлi дзяўчынкi Валя i Нюра?

-- Якi загад даў камандзiр?

-- Цi быў выкананы яго загад? Чаму?

-- Як змагаўся паранены салдат з ворагам?

-- Якую дапамогу аказвалi дзецiцяжкапараненым байцам?

-- Цi лёгка было дзецям дапамагаць дарослым?

-- Як усё гэта характарызуе раненага байца i дзяўчынак?

-- Як бы вы паступiлi на месцы дзяцей?

Вынiк

-- Над чым вас прымусiў задумацца гэты твор?

-- Якi вывад вы зрабiлi для сябе?

Дамашняе заданне

Падрабязны пераказ часткi«Подзвiг пагранiчнiка Бабронка» з дапамогай складзенага плана.

 

 

 

 

раскрыть » / « свернуть

Мэта: азнаямленне з творам У.Лiпскага «Медсястра», абагулiць веды па раздзеле «Хто хоча шчаслiва жыць, той працу павiнен любiць»

Работа над апавяданнем

Прапаную расшыфраваць запiс. Закрэслiце лiтары, якiя паўтараюцца, збярыце лiтары, якiя засталiся:

Вдмвевддвдсвдявдсвдтвдрвдавд

-- Гэта тэма нашага ўрока, апавяданне У.Лiпскага «Медсястра»,

Чытанне твора вучнямi самастойна.

-- Аб чым гаворыцца ў апавяданнi?

Паўторнае чытанне твора

Чытанне   ўслых

Аналiз твора

-- Куды збiралася бабуля?

-- Як яна выглядала?

-- Щто за значкi былiў бабулi?

-- Якой яна была ў гады вайны?

-- А ў мiрны час?

-- Хто Марынцы расказваў пра гераiчнае мiнулае бабулi?

-- Як расказ мацi падзейнiчаў на дзяўчынку?

-- Кiм ей захацелася быць?

-- Пра якую медсястру iдзе гаворка – унучку цi бабулю?

-- Чаму вы так лiчыце?

Падвядзенне вынiкаў урока i раздзела

-- Хто былi галоўнымi героямi ў творах, якiя мы чыталi ў раздзеле «Хто хоча шчаслiва жыць, той працу павiнен любiць»?

-- З чым яны знаёмiлiся?

-- Хто iм даваў адказы на iхнiя пытаннi?

-- Што расказвалi дарослыя дзецям пра розныя прафесii? Гэта добра цi не?

-- Паразважайце, якую ролю ў жыццi чалавека выконвае прафесiя?

-- Як вы думаеце, цi дапамаглi дарослыя выбраць дзецям будучую прафесiю? Чаму яны так рабiлi?

А зараз прапаную вам прайсцi невялiчкi тэст па творах гэтага раздзела

ТЭСТ

-- У якiх творах i пра якiя прафесii пiсьменнiкi апавядалi так:

1. « -- Гэта, сынок, гаспадар, -- растлумачыла мацi. – Ты ж дапамагаеш нам i бычкоў пасвiць, I сена валкаваць, i ваду ў карыты з кранаў пускаеш…»

а) Э.Агняцвет «Буду настаўнiкам»;

б) М.Данiленка « Маленькi фермер»;

в) У.Лiпскi«Медсястра».

2. “… Добра, -- падтрымаў сыночка тата. – Наша прафесiя – самая патрэбная на зямлi. Мая брыгада пачала будаваць новы магазiн. Ты хацеў бы нам дапамагчы?..»

а) З.Марозаў «Тата ў Ромы – аграном»;

б) беларуская народная казка «Лёгкi хлеб»;

в) I.Муравейка «Паўлiк-будаўнiк».

3. «… З Вольгай Паўлаўнай цiкава.

         Не злуецца, не крычыць.

         Мы, як быццам, для забавы,

         Разам вучымся лiчыць…»

а) Э.Агняцвет «Буду настаўнiкам»;

б) У.Лiпскi«Медсястра»;

в) М.Данiленка « Маленькi фермер».

4. « … Трэба жыта падкармiць.

           Поле хораша ўзараць,

           Да сяўбы падрыхтаваць.

           А яшчэ павiнен ён

           Ведаць, дзе пасеяць лён,

           Кукурузу i ячмень…»

а) I.Муравейка «Паўлiк-будаўнiк»;

б) З.Марозаў «Тата ў Ромы – аграном»;

в) беларуская народная казка «Лёгкi хлеб»;

Дамашняе заданне

Адказаць на пытаннi пад назвай «Умею» (с.69 – 70)

 

раскрыть » / « свернуть

Мэта: азнаямленне з творамі “Маленькі фермер”, “Тата ў Ромы - аграном”

1. Моўная размінка

Не дарма народ

З даўніх часоў і дагэтуль

Хлеб надзённы кліча

Самай першай святыняй.

залатыя словы

Забываць мы не мае права:

Хлеб усяму галава!

У полі, у хаце, у дзяржаве!

Чытаць: моўчкі, шэптам, хутка.

2. Работа з апавяданнем “Маленькі фермер”

Падрыхтоўчая работа

-          Што вы ведаеце пра прафесію фермер?

-          Якія словы можна суаднесці з гэтай прафесіяй?

Слоўнікавая работа: касмыль, валок, валкаваць, павець

Чытанне твора.

Ці спадабаўся вам твор?

 

Аналіз твора

-          Куды пераехалі Максімавы бацькі?

-          Хто такі фермер?

-          Зачытайце апісанне, якое дала прафесіі фермер маці?

-          Ці лёгка быць фермерам?

-          Якую пасільную дапамогу аказваў сям’і Максімка?

 

Заданне творчага характару

-          Падзел тэксту на часткі (план на дошцы)

-          Пераказ кожнай часткі

3. Работа з вершам “Тата ў Ромы - аграном”

Падрыхтоўчая работа

-          А пра якую прафесію будзе наступны верш, вы даведаецеся разгадаўшы рэбус – АРНОГАМ (аграном)

Слоўнікавая работа: зябліва, дбаць, кампост, ток, турботы

 

Чытанне твора

Ці спадабаўся вам твор?

Аналіз твора

-          З якімі пытання звярнуўся да бацькі сын Рома?

-          Якой працай заняты аграном кожная парой года?

-          Чаму Рома лічыцт прафесію агранома самай лепшай?

 

Заданні творчага характару

ü  Знайдзіце ў вершы прыказкі, растлумачце іх сэнс (корміць год вясновы дзень. Увосень работ восем)

ü  Чытанне верша па ролях

 

4. Дамашняе заданне

Верш “Тата ў Ромы - аграном” выразна чытаць

 

раскрыть » / « свернуть