7 класс

Мэты і задачы: пазнаёміцца з будовай прыназоўнікаў; выпрацоўваць уменне правільна вылучаць іх са структуры словазлучэння і сказа;удасканальваць арфаграфічныя навыкі, уменне ўжываць прыназоўнікі ў вусным і пісьмовым маўленні

Заданні:

1. Пазнаёміцца з тэарэтычным матэрыялам §36, с.167-168
2. Прагледзець відэаролік https://www.youtube.com/watch?v=ACfXr1bELAs
3. Вывучыць правапіс прыназоўнікаў асобна, разам і праз злучок.
4. пр.260 (выпісаць з тэксту словазлучэнні з прыназоўнікамі, вызначыць іх будову і паходжанне, растлумачыць пастаноўку знакаў прыпынку ў тэксце).
5. Запісаць словы ў адпаведнай форме, далучыўшы да іх прыназоўнік у або яго варыянт ва.

Узрост, Вільня, усе, універмаг, урочышча, брат.

6. Пабудаваць словазлучэнні з састаўнымі прыназоўнікамі зыходзячы з, згодна з, нягледзячы на.
7. Дамашняе заданне: §36, пр.258

Мэты і задачы:

• знаёмства з падзелам прыназоўнікаў на невытворныя і вытворныя, утварэннем вытворных прыназоўнікаў шляхам пераходу ў разрад службовай часціны мовынекаторых формаў назоўнікаў, прыслоўяў і дзее прыслоўяў;
• выпрацоўваць уменне вызначаць прыназоўнікі ў тэксце, адрозніваць іх ад слоў-амонімаў іншых часцін мовы;
• ужываць ва ўласным вусным і пісьмовым маўленні;
• удасканальваць арфаграфічныя і пунктуацыйныя навыкі.

Заданні:

1. Актуалізацыя апорных ведаў

Прыназоўнікі ў спалучэнні з самастойнымі часцінамі мовы могуць выражаць наступныя значэнні… (якія?)

• Прасторавыя прыназоўнікі абазначаюць… (ваш адказ), адказваюць на пытанне… (ваш адказ).
• Адказваюць на пытанне калі? прыназоўнікі з ... (ваш адказ).
• Указваюць на прадмет… (ваш адказ) прыназоўнікі.
• Адказваюць на пытанні чаму?, па якой прычыне?... (ваш адказ) прыназоўнікі.
• У словазлучэннях рыхтавацца да ўрокаў, дарожка для язды ад галоўнага да залежнага слова задаём пытанне … (ваш адказ), прыназоўнікі да, для выражаюць… (ваш адказ).
• Азначальныя прыназоўнікі абазначаюць… (ваш адказ), адказваюць на пытанні… (ваш адказ).
• У словазлучэннях дзяліць па справядлівасці, чытаць з захапленнем ад галоўнага да залежнага слова ставім пытанне … (ваш адказ), прыназоўнікі па, з выражаюць… (ваш адказ).

2. Прагляд відэароліка

https://www.youtube.com/watch?time_continue=40&v=f2MJ9KhEOe0&feature=emb_logo

3. Вывучэнне новай тэмы

Чытанне §35 параграфа. Вывучце правіла і затым праверце сябе.

4. Замацаванне новай тэмы

А) Выканаць пісьмова практыкаванне 254;

Б) Знайсці ў сказах вытворныя і невытворныя прыназоўнікі (вусна).

Дарога была скрозь высаджана дрэвамі.

Скрозь галіны дрэў скупа прабіваўся тужлівы бляск месяца.

Наталля павярнулася да бацькі.

Упоперак ляжалі нейкія межы з кустамі.

В) Прачытайце сказы. Вызначце, якой часцінай мовы з’яўляюцца выдзеленыя словы. У дужках укажыце часціну мовы.

1. Сцяпан ішоў, не гледзячы (      ) па баках.

2. Зімовым вечарам, нягледзячы на (    ) холад, вуліца звінела ад дзіцячых галасоў.

3. Я стаю насупраць (      ) свайго купэ і гляджу ў акно.

4. Каманду набіралі з ліку (    ) самых дужых хлопцаў.

Г) Складзіце і запішыце сказ з адным з прапанаваных вытворных прыназоўнікаў.

Дзякуючы, на працягу, у выніку, у адпаведнасці.

5. Дамашняе заданне

§35, практыкаванне 255

Мэты і задачы:

• вывучыць марфалагічныя асаблівасці прыназоўніка;
• умець знаходзиць прыназоўнікі ў сказе; вызначаць сінтаксічную ролю прыназоўнікаў;
• выпісаць і рабіць сінтаксічны разбор словазлучэнняў з прыназоўнікамі;
• вучыць правільна ўжываць прыназоўнікавыя словазлучэнні ў вусным і пісьмовым маўленні.

Заданні:

1. Актуалізацыя апорных ведаў

Неабходна ўспомніць:

• што такое назоўнік?
• што з’яўляецца займеннікам?
• што такое лічэбнік ?
• што з’яўляецца словазлучэннем?

2. Вывучэнне тэарэтычнага матэрыялу

Самастойная праца з падручнікам, знаёмства з §33 – 34, чытанне правіла, робячы пазнакі на палях.

3. Самастойная праца

А) Прачытайце тэкст А.Вярцінскага “Чалавек маленькага роста”. Што думае пра чалавечую прыгажосць паэт?

“Чалавек маленькага роста,

Чаму не рос, па чыёй віне?”

Чалавек адказвае проста:

“Гэта залежыць не ад мяне”.

“Чалавек маленькага розума,

Мог ты быць разумнейшым ці не?”

Чалавек гаворыць цвяроза:

“Гэта залежыць не ад мяне”.

“Чалавек душы маленькай,

Мог ты лепшым быць ці не?”

Чалавек маўклівы нейкі,

Не адказвае ён мне.

Мабыць, цяжкае пытанне.

Чалавек маўчыць нездарма.

Хібам нашым ёсць апраўданне,

Подласці апраўдання няма.

Неабходна выпісаць у сшытак словазлучэнні, у састаў каторых уваходзіць прыназоўнік, паставіць сэнсавае пытанне ад галоўнага да залежнага слова.

Б) выканаць 246 практыкаванне (вусна);

В) Перакласці на беларускую мову:

Болеть гриппом, пойти за земляникой, беспокоиться о детях, обратиться по адресу, похожий на отца, договориться о встрече, послать за дежурным, жениться на подруге, тополь выше берёзы.

4. Дамашняе заданне

§33-34, практыкаванне 251